AFFA oyunun gec başlamasına görə "Keşlə"ni cərimələyib

AFFA İntizam Komitəsi "Keşlə" klubunu 800 manat məbləğində cərimələyib. 

"Report" Peşəkar Futbol Liqasının rəsmi saytına istinadən xəbər verir ki, səbəb IX turda "Qəbələ" ilə ev oyununun gec başlamasıdır. 

Qarşılaşma paytaxt təmsilçisinə görə 2 dəqiqə yubanıb və klub bunun üçün cəzalandırılıb. 

Qeyd edək ki, qarşılaşma "Keşlə"nin 2:1 hesablı qələbəsi ilə bitib.