Bakı. 22 sentyabr. REPORT.AZ/ "Əməkdaşlarımıza klublardan çoxsaylı iş təklifi gəlir. Kim gedir, kim getmir, bu, onların öz seçimidir". Bunu "Report"a açıqlamasında AFFA-nın baş katibi Elxan Məmmədov deyib.
O bildirib ki, qurumun sabiq əməkdaşları Elnur Məmmədovla Kamran Quliyev də belə təkliflər nəticəsində "Sumqayıt"la "Neftçi"yə keçiblər. Baş katib hər iki şəxslə münasibətlərinin tarixçəsini də nəql edib. AFFA rəsmisi "Neftçi"nin hazırkı icraçı direktorunu hələ "İrəli" İctimai Birliyində çalışdığı vaxtdan çox fəal gənc kimi tanıdığını bildirib: "Mən baş katib vəzifəsinə gəldikdən sonra AFFA-nın prezidenti
K.Quliyevə gəldikdə, baş katib "Sumqayıt" klubunun hazırkı prezidenti ilə hələ tələbəlik illərindən tanışlıq münasibətlərinin yarandığını söyləyib: "Bəli, onu çoxdan tanıyıram. Kamranla Şimali Kiprdə təhsil aldığımız vaxt tanış olduq. Sonra mən İngiltərəyə ali təhsil üçün getdim. Ancaq 6-7 ay onunla bir oxudum və o vaxtdan tanışıq. O, futbolun çox böyük fanatıdır. Müxtəlif işləri var idi. Biz futbolda işləyəndən sonra, 2011-ci ildə AFFA-ya gəldi. İnzibati İşlər üzrə şöbənin rəisi oldu. Sonra 17 yaşadək qızlar arasında futbol üzrə 2012-ci il dünya çempionatı ilə bağlı işlərdə çalışdı. Ardından "Sumqayıt"ın baş sponsoru "Azərikimya" bizə müraciət etdi ki, klub prezidenti AFFA-dan olsun. Bu, bizim üçün böyük komplimentdir. Biz AFFA olaraq, klub olaraq birbirimizə dəstək olmalıyıq. Özü də dedi ki, klub rəhbəri olmaq onun arzusudur. Nəticədə "Sumqayıt"da işləməyə getdi".
Elxan Məmmədov bütün səfərlərə Kamran Quliyev və Elnur Məmmədovla çıxdığına dair söz-söhbətləri zarafatla cavablandırıb: "Bu yaxınlarda Maltaya birgə getməmişdik ki..."