Yuxarı
    Bağlamaq

    AFFA-nın baş katibi: "İnanırıq ki, Norveçlə oyunda məqsədimizə nail olacağıq"

    Serbiya ilə yoldaşlıq görüşü futbolçuları yoxlamaq baxımından bir fürsətdir

    Bakı. 2 iyun. REPORT.AZ/ "Norveç yığması ilə oyunda 3 xal qazanmalıyıq". "Report" xəbər verir ki, bunu jurnalistlərə açıqlamasında AFFA-nın baş katibi Elxan Məmmədov deyib.

    O xatırladıb ki, hələlik millinin "AVRO-2016"nın seçmə qrup mərhələsində cəmi 3 xalı var: "Bu isə azdır. Artıq millimiz oyunun hazırlıqlarına başlayıb, bu məqsədlə komanda Avstriyaya təlim məşq toplanışına yollanıb. İyunun 7-də Serbiya ilə yoldaşlıq görüşü keçiriləcək, bu, futbolçuları yoxlamaq baxımından bir fürsətdir. İnanırıq ki, Norveçlə oyunda məqsədimizə nail olacağıq".

    E.Məmmədov milliyə ilk dəfə dəvət alan Pavel Paşayev barədə də danışıb: "Milliyə çağırılmasında onun da təşəbbüsü olub. Baş məşqçimiz Robert Prosineçki milliyə çağırılmamışdan əvvəl də onu izləyirdi".

    Qeyd edək ki, Norveç-Azərbaycan matçı iyun ayının 12-də keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi