AFFA-da regional futbol federasiyalarının əməkdaşları üçün seminar keçirilib

AFFA-nın inzibati binasında regional futbol federasiyalarının əməkdaşları üçün seminar keçirilib.

"Report" milli assosiasiyanın rəsmi saytına istinadən xəbər verir ki, iştirakçıları salamlayan baş katib Elxan Məmmədov regional federasiyaların fəaliyyətinin futbolun inkişafı və kütləviliyinin artmasında vacib rol oynadığını qeyd edib.

Sonra AFFA-nın müxtəlif departament və şöbələrinin əməkdaşları tərəfindən iştirakçılara assosiasiyanın müxtəlif istiqamətlər üzrə fəaliyyəti barədə ətraflı məlumat verilib.