AFFA Azərbaycan millisinin sabiq üzvünün danışılmış oyunlarda iştirakını aşkarlayıb

AFFA İntizam Komitəsi həvəskarlar liqasında çıxış edən futbolçuları da cəzalandırıb. 

"Report" milli assosiasiyanın rəsmi saytına istinadən xəbər verir ki, qurum Region Liqasında çıxış edən 3 oyunçuya manipulyasiya olunmuş oyunlarda iştiraka görə cəza kəsib. Bunlar "Uğur"dan Cəmşid Məhərrəmov, "Ağsu Siti"dən Tuqay Alhüseynli vəı "Alyans" komandasından Cəmil Rəhimlidir. 

Qeyd edək ki, Cəmşid Məhərrəmov 2007 - 2009-cu illərdə Azərbaycan yığmasının formasını geyinib. Qurum daha öncə 22 futbolçunu cəzalandırdığını açıqlayıb.