AFFA Azərbaycan - İtaliya matçına bilet satışından əldə olunan gəliri açıqlayıb

Bakı. 21 oktyabr. REPORT.AZ/ Futbol üzrə AVRO-2016-nın seçmə mərhələsində oktyabrın 10-da Bakı Olimpiya Stadionunda keçirilmiş Azərbaycan – İtaliya oyununda azarkeş sayı ilə bağlı rekord göstərici qeydə alınıb. "Report"un AFFA-nın rəsmi saytına istinadən verdiyi məlumata görə, ilk dəfə Azərbaycan millisinin oyununu stadionda 48 mindən artıq azarkeş izləyib. 

AFFA Azərbaycan – İtaliya oyunu ilə bağlı daha bir statistik məlumatı ictimaiyyətin diqqətinə çatdırıb. Matça 150 min 729 manat məbləğində bilet satılıb.