2018-ci ilin ən yaxşı komandaları müəyyənləşib

Bakı. 11 sentyabr. REPORT.AZ/ Avropa Klublar Assosiasiyası (ECA) 2018-ci ilin ən yaxşı komandalarını müəyyənləşdirib.

"Report"un məlumatına görə, qaliblərin qurumun Xorvatiyanın Split şəhərindəki 21-ci Baş Assambleyasında açıqlanıb. İlin komandası adına İspaniya "Real Madrid"i layiq görülüb. Ən yaxşı qadın kollektivləri İngiltərənin "Arsenal" və "Çelsi" klubları olub. Belçika "Gent"i sosial fəaliyyətinə görə mükafatlandırılıb. Avstriya "Zaltsburq"u isə qitənin ən yaxşı inkişaf edən komandası sayılıb.

Qeyd edək ki, hazırda ECA-da Azərbaycanın 3 klubu təmsil olunur. "Qarabağ" və "Neftçi" tamhüquqlu, "Qəbələ" isə assosiativ üzv statusuna malikdir.