"Zirə" - "Səbail" oyununda qalib müəyyənləşmədi

Azərbaycan Premyer Liqasında mövsümün qalan hissəsinə hazırlaşan "Zirə" və "Səbail" komandaları yoxlama matçında üz-üzə gəliblər.

"Report"un məlumatına görə, Zirə İdman Kompleksinin stadionunda təşkil olunmuş qarşılaşmada qalib müəyyənləşməyib - 2:2.

Hesabı 15-ci dəqiqədə meydan sahiblərindən Ağabala Ramazanov açıb. 30-cu dəqiqədə Maykl Essyen bərabərlik qolunu vurub. 49-cu dəqiqədə Turan Manafov qonaqları hesabda irəli keçirib. 69-cu dəqiqədə isə Mfo Kqasvane oyunda son nöqtəni qoyub.