"Zirə" növbəti transferini açıqlayıb

Bakı. 28 yanvar. REPORT.AZ/ "Zirə" klubu heyətini yeni futbolçu ilə gücləndirib. 

"Report" qəsəbə təmsilçisinin Mətbuat xidmətinə istinadən xəbər verir ki, komanda Xulio Sezar Rodriqez Ximenes ilə anlaşıb. 

Paraqvaylı hücumçu ilə 6 ay + 1 illik müqavilə bağlanılıb. 29 yaşlı oyunçu son olaraq ölkəsinin "Deportivo Kapiata" komandasında çıxış edib. "Zirə" bu gün Kot dİvuardan olan İsmail Fofananı da heyətinə qatdığını açıqlayıb.