"Zirə"nin Konfrans Liqasındakı rəqibi yeni transferini açıqlayıb

"Zirə"nin UEFA Konfrans Liqasının III təsnifat mərhələsindəki rəqibi Xorvatiyanın "Osiyek" kollektivi yeni transferini açıqlayıb.

"Report" klubun mətbuat xidmətinə istinadən xəbər verir ki, Osiyek şəhərinin eyni adlı komandası mərkəz müdafiəçisi Emin Hasiçi sıralarına qatıb.

21 yaşlı oyunçu İsveçin "Varnam" klubundan transfer olunub. O, İsveçin U-21 millisinin şərəfini qoruyur.

Qeyd edək ki, “Zirə” komandası ilk matçda səfərdə “Osiyek”lə heç-heçə edib - 1:1. Bu komandaları arasındakı cavab qarşılaşması avqustun 15-i "Dalğa Arena"da reallaşacaq.