"Zirə"nin baş məşqçisi: "Əlaqələri qaydasına salaraq, qələbə qazandıq"

“Son turlar rəqibimiz inamlı çxış edirdi. Biz isə 4 turdur qələbə qazana bilmirdik. Yaxşı başladıq, amma sonra təşəbbüsü əldən verdik. Fasilədən sonra yenidən oyunda əlaqələri qaydasına saldıq və qələbə qazana bildik". 

"Report" xəbər verir ki, bunu "Zirə"nin baş məşqçisi Zaur Həşimov Azərbaycan Premyer Liqasının XX turunda "Səbail"i səfərdə 3:1 hesabıyla məğlub etdikləri matçdan sonra mətbuat konfransında deyib.

Gənc mütəxəssis qış fasiləsindən sonra az şans verdiyi, bu dəfə sonradan oyuna buraxaraq matçda nöqtəni qoyan fransalı yarımmüdafiəçi Şafik Tiqruca ilə heç bir probleminin olmadığını söyləyib: "Sadəcə, uzun müddətdir zədəli idi, sağaldı, amma yenidən xəsarət aldı. İndi tədricən sıraya dönür".