Yann Zommer "İnter" klubunu tərk edib

İsveçrə millisinin sabiq qapıçısı Yann Zommer "İnter" klubunu tərk edib.

"Report" İtaliya A Seriyası təmsilçisinin mətbuat xidmətinə istinadən xəbər verir ki, 37 yaşlı qolkiper müqavilə müddəti başa çatdıqdan sonra komandadan ayrılıb.

Y.Zommer 2023-cü ilin yayından Milan təmsilçisində çıxış edirdi. O, "İnter"in heyətində 2 dəfə İtaliya A Seriyasının çempionu olub, həmçinin ölkə kubokunu və Superkubokunu qazanıb.

Qeyd edək ki, Y.Zommer 2025/2026 mövsümündə 43 matçda meydanda olub, 42 qol buraxıb və 19 görüşdə qapısını toxunulmaz saxlayıb. "Transfermarkt" portalı onun dəyərini 2 milyon avro qiymətləndirir.