Xorvatiya - İtaliya matçının ən yaxşı futbolçusu müəyyənləşib

Almaniyada keçirilən Avropa çempionatının qrup mərhələsinin III turunda baş tutan Xorvatiya - İtaliya matçının (1:1) ən yaxşı futbolçusu müəyyənləşib.

"Report" UEFA-nın mətbuat xidmətinə istinadən xəbər verir ki, xorvatların heyətində Luka Modriç qarşılaşmanın ən yaxşı oyunçusu seçilib.

Yarımmüdafiəçi komandasını hesabda önə keçirən qolun müəllifi olub. O, eyni zamanda Avropa çempionatları tarixində fərqlənən ən yaşlı futbolçu (38 yaş, 289 gün) adını qazanıb.