Xavi "Barselona"nın baş məşqçisi olacaq

Sabiq futbolçusu Xavi Ernandes İspaniyanın "Barselona" komandasının baş məşqçisi olacaq. 

"Report" xəbər verir ki, bu barədə "Mundo Deportivo"nun jurnalisti Fransesk Agilar məlumat verib. 

Hazırda Qətərin "Əl Sədd" komandasına rəhbərlik edən 40 yaşlı mütəxəssis mövsüm başa çatandan sonra hazırkı baş məşqçi Kike Setyeni əvəzləyəcək. 

Kataloniya təmsilçisinin prezidenti Xosep Bartomeu Xavi ilə danışıqlardan əvvəl futbolçularla məsləhətləşib. 

Qeyd edək ki, Xavi Ernandes 1998 - 2015-ci illərdə "Barselona"nın formasını geyinib. İspaniya millisinin sabiq üzvü klubla müxtəlif titulların sahibi olub.