"Vorskla" "Fənərbağça"nın futbolçusunu transfer edib

Bakı. 27 noyabr. REPORT.AZ/ Ukraynanın “Vorskla” klubu Türkiyə təmsilçisi “Fənərbağça”nın futbolçusu Adenis Şalanı transfer edib.

“Report” gazetatema.net saytına istinadən xəbər verir ki, 20 yaşlı oyunçunun keçidində poltavalıların sabiq oyunçusu Armend Dallku rol oynayıb. Bu yaxınlarda Kosovo U-21-ni Albaniyanın müvafiq yaş qrupu üzrə yığmasına dəyişən A.Şala ilə müqavilənin detalları açıqlanmır.

Priştina futbol məktəbinin yetirməsi olan A.Şala bu ilin fevralında Kosovonun “Velaznimi” klubundan “Fənərbağça”ya keçib.

Qeyd edək ki, “Vorskla” Avropa Liqasının cari mövsümündə “Qarabağ”la eyni qrupda yer alıb. İlk matçda ukraynalılar, ikinci görüşdə isə Ağdam təmsilçisi 1 cavabsız qolla qalib gəlib.