Ukraynanın U-20 futbol millisi dünya çempionu olub

Ukraynanın futbol üzrə U-20 milli komandası komanda tarixində ilk dəfə gənclər arasında dünya çempionu olub.

"Report" xarici mətbuata istinadən xəbər verir ki, finalda Ukrayna və Cənubi Koreya yığmaları qarşılaşıblar və oyun 3:1 hesabı ilə ukraynalıların xeyrinə başa çatıb.

Görüş Polşanın Lodz şəhərində keçirilib. Qalib komandanın hücumçusu Vladislav Supryaqa dubl edib, son nöqtəni isə yarımmüdafiəçi Georgi Sitaişvili qoyub. Koreyalıların heyətində Li Kan İn fərqlənib.

Ukrayna yığması turniri məğlubiyyətsiz başa vurub.