UEFA "Roma"- MOİK oyunu ilə bağlı intizam işi açıb

Bakı. 1 noyabr. REPORT.AZ/ UEFA İtaliyanın "Roma" və Rusiyanın MOİK komandaları arasında keçirilmiş Çempionlar Liqasının qrup mərhələsinin III turunun oyunu ilə bağlı intizam işi açıb. 

"Report" UEFA-nın rəsmi saytına istinadən xəbər verir ki, İtaliyada keçirilmiş qarşılamaşda rusiyalı azarkeşlər pirotexniki vasitələrdən istifadə ediblər. Bundan başqa "Roma"nın fanatları meydana kənar əşyalar atıblar və tribunaları bloklayıblar. 

UEFA İntizam Komitəsi bu məsələni noyabrın 22-də nəzərdən keçirəcək. 

Qeyd edək ki, "Roma" - MOİK görüşü İtaliya təmsilçisinin 3:0 hesablı qələbəsi ilə başa çatıb.