UEFA reytinqi: Azərbaycan 1 pillə gerilədi

UEFA reytinqi: Azərbaycan 1 pillə gerilədi UEFA Avropa Liqasının I təsnifat mərhələsinin oyunlarından sonra ölkələrin UEFA reytinqində növbəti dəyişiklik olub.
Futbol
703
28 Avqust , 2020 01:29
UEFA reytinqi: Azərbaycan 1 pillə gerilədi

UEFA Avropa Liqasının I təsnifat mərhələsinin oyunlarından sonra ölkələrin UEFA reytinqində növbəti dəyişiklik olub.

"Report"un məlumatına görə, "Neftçi"nin evdə Şimali Makedoniya "Şkupi"sinə 2:1 hesabı ilə qalib gəlməsinə (0,375 xal) baxmayaraq, Azərbaycan 1 pillə geriləyərək 26-cı sıraya enib.

Buna "Sumqayıt"ın doğma meydanda eyni ölkənin digər təmsilçisi "Şkendiya"ya 0:2 uduzması (0,125) və "Keşlə"nin Albaniya "Laçi"si ilə qolsuz bərabərə qalması (0,250) ilə yanaşı, Rumıniyanın 2 qələbə və 1 heç-heçə ilə reytinqini 15,950-yə çatdırması səbəb olub.

Qeydə alınan nəticələrdən sonra Azərbaycanın aktivində 15,875 xal var.

Qeyd edək ki, UEFA Çempionlar Liqasında II təsnifat mərhələsinin oyunlarından sonra Azərbaycan "Qarabağ"ın Moldova "Şerif"i üzərində 2:1 hesablı qələbəsi sayəsində Rumıniyanı üstələyərək 25-ci sıraya yüksəlmişdi.

Son xəbərlər

Orphus sistemi