UEFA rəsmisi: "Koronavirus DÇ-2022-yə təsir edə bilər"

“Düşünürəm ki, virus daha 2-3 il futbola təsir edəcək. Koronavirusla bağlı vəziyyət hazırkı durumdan daha ciddi şəkildə inkişaf edərsə, beynəlxalq təqvimdə mütləq problem olacaq”.

“Report”un məlumatına görə, bu fikirləri UEFA İcraiyyə Komitəsinin üzvü Lars-Krister Olsson “Reuters”ə açıqlamasında deyib.

70 yaşlı funksioner bildirib ki, bəzi çempionatlar növbəti ilə təxirə salınıb: “Qətərdəki dünya çempionatı Avropadakı mövsümün ortasında keçirilməlidir, buna görə də daxili və beynəlxalq yarışların təqvimini sərtləşdirmək lazım olacaq". 

Qeyd edək ki, 2022-ci il dünya çempionatı 21 noyabr - 18 dekabrda Qətərin 5 şəhərindəki 8 stadionda keçiriləcək.