UEFA Gənclər Liqası: Azərbaycan təmsilçisi cavab oyununa çıxır

"Qəbələ" klubunun 19 yaşadək futbolçulardan ibarət komandası bu gün UEFA Gənclər Liqasının l təsnifat mərhələsində cavab oyununa çıxacaq.

"Report"un məlumatına görə, "qırmızı-qaralar" Niderlandda AZ komandası ilə üz-üzə gələcək.

Xorvatiyalı Dario Belin idarə edəcəyi qarşılaşma Bakı vaxtı ilə saat 19:00-da başlayacaq. Qəbələdəki ilk görüşdə Niderland təmsilçisi 4:0 hesablı qələbə qazanıb.

UEFA Gənclər Liqası
Cavab oyunu
19:00. AZ (Niderland) - "Qəbələ" (Azərbaycan)
Baş hakim: Dario Bel (Xorvatiya)
Alkmar, "AZ Təlim-Məşq Mərkəzi”.