UEFA bu gün video formatında növbəti iclas keçirəcək

UEFA bu gün quruma üzv olan 55 milli assosiasiyaların baş katibləri ilə, iki gün sonra isə İcraiyyə Komitəsinin üzvləri ilə video formatında iclas keçirəcək.

"Report"un məlumatına görə, iclaslarda həm daxili, həm də avrokuboklarla bağlı hadisələrə baxılacaq.

UEFA İcraiyyə Komitəsinin iclasından sonra əlavə məlumatın veriləcəyini vurğulayıb.

Qeyd edək ki, Belarus çempionatı istisna olmaqla, Avropadakı bütün yarışlar koronavirus pandemiyasına görə dayandırılıb.