Türkiyə Superkuboku: "Qalatasaray" - "Fənərbağça" oyununun hakimləri bəlli olub

"Qalatasaray" və "Fənərbağça" komandaları arasında keçiriləcək Türkiyə Superkuboku matçını idarə edəcək hakim müəyyənləşib.

"Report" yerli mətbuata istinadən xəbər verir ki, qarşılaşma Abdulkadir Bitigenə tapşırılıb. Ona Erdem Bayık və Mustafa Savranlar kömək göstərəcək. Dördüncü hakim funksiyasını Volkan Bayarslan yerinə yetirəcək.

Qeyd edək ki, dekabrın 29-da Səudiyyə Ərəbistanında gerçəkləşəcək "Qalatasaray" - "Fənərbağça" matçı Bakı vaxtı ilə saat 21:45-də başlayacaq.