"Tottenhem" yeni transferini belə təqdim etdi

İngiltərə "Tottenhem"i "Suonsi Siti" klubunun və Uels yığmasının futbolçusu Co Rodonu transfer edib.

"Report"un məlumatına görə, 22 yaşlı müdafiəçi ilə 2025-ci ilədək müqavilə bağlanılıb. Rodon yeni komandasında 14 nömrəli formada çıxış edəcək. Müqavilə məbləğinin 11 milyon, bonusların isə 4 milyon funt sterlinq təşkil edəcəyi bildirilir.

Klub bu keçidi daha bir uelsli oyunçusu Qaret Beylin iştirakı ilə çəkilmiş videoçarx formasında anons edib. Videoda Rodon maşınla bazaya gəlir, resepşndə oturan Beyl isə zarafatca deyir: "Onu geri göndərin".

Qeyd edək ki, Qaret Beyl də Uels millisində forma geyinir.

🏴󠁧󠁢󠁷󠁬󠁳󠁿 📞 "Okay, you can let him in..." pic.twitter.com/CQixvQvvo1

— Tottenham Hotspur (@SpursOfficial) October 16, 2020