"Sumqayıt" legioneri ilə müqaviləni yenilədi

2020/2021 mövsümü üçün transfer çalışmalarını davam etdirən "Sumqayıt" növbəti futbolçu ilə müqaviləni yeniləyib.

"Report" klubun rəsmi saytına istinadən xəbər verir ki, müdafiəçi Cəmaləddin Xocaniyazov qarşıdakı 2 mövsümdə də bu komandanın uğurları üçün çalışacaq.

Qeyd edək ki, Xocaniyazov geridə qalan 2019/2020 mövsümündə 16 oyunda ümumilikdə 1440 dəqiqə meydanda olub. O, oynadığı matçlarda 1 məhsuldar ötürmə etməyi də bacarıb.