"Sabah" klubu yeni futbolçu transfer etdi

“Sabah” klubu heyətini yeni futbolçu ilə gücləndirib.

"Report"un klubun rəsmi saytına istinadən verdiyi məlumata görə, Azərbaycan U-19 millisinin hücumçusu Camal Cəfərovla 5 illik müqavilə bağlanılıb.

“Anji” futbol akademiyasının yetirməsi olan Cəfərov son mövsümdə bu klubun əvəzedici komandasında çıxış edib.

Qeyd edək ki, növbəti mövsüm üçün transfer çalışmalarını davam etdirən “Sabah” daha öncə Amin Seydiyev, İdris İnqilablı, Samir Məhərrəmli, Nicat Mehbalıyev, Slavik Alxasov və Aleksey İsayevi heyətinə cəlb edib.