"Sabah" klubu ukraynalı futbolçu ilə müqavilə bağlayıb

Bakı. 17 iyul. REPORT.AZ/ Azərbaycan Premyer Liqasının debütantı “Sabah” klubu növbəti futbolçu transferini gerçəkləşdirib. 

"Report"un klubun mətbuat xidmətinə istinadən verdiyi məlumata görə, paytaxt təmsilçisi son olaraq, Belarusun “Neman Qrodno” klubunda çıxış etmiş Vitali Kvaşuku heyətinə cəlb edib. Ukraynalı oyunçu ilə 3 illik müqavilə imzalanıb. 25 yaşlı yarımmüdafiəçi yeni klubunda 7 nömrəli formada çıxış edəcək.

Qeyd edək ki, Kiyev “Dinamo”sunun yetirməsi olan Vitali Kvaşuk karyerası ərzində Ukraynanın “Metallurq-2” (Donetsk), “Zarya-2” (Luqansk), “Olimpik” (Donetsk), Belarusun “Torpedo” (Jodino), “Vitebsk” və “Neman Qrodno” klublarının şərəfini qoruyub.