"Sabah" ərəb klubunu FIFA-ya şikayət edəcək

"Sabah"dan ayrılan futbolçu Bəhlul Mustafazadənin Birləşmiş Ərəb Əmirliklərinin "Əl-Əyn" komandasına keçidi baş tutmayıb.

"Report"un məlumatına görə, bu barədə Bakı klubunun rəsmi saytı xəbər yayıb.

Bildirilib ki, paytaxt təmsilçisi “Əl-Əyn”dən 24 yaşlı müdafiəçinin keçidi ilə əlaqədar transfer müqaviləsinin ləğv edilməsi ilə bağlı məktub alıb.

Futbolçunun keçidindən transfer reallaşdıqdan 18 gün sonra, futbolçunun “Sabah”la müqaviləsi ləğv olunduqdan sonra imtina edilib.

"Sabah" klubu məsələ ilə bağlı “Əl-Əyn”ə qarşı maliyyə və intizam cəzaları tələbi ilə FİFA məhkəməsinə müraciət etməyə hazırlaşır. Mustafazadənin statusuna gəldikdə isə futbolçu hazırda azad agentdir.