"Roma" Serxio Ramosla danışıqlara başladı

İtaliyanın "Roma" klubu İspaniya "Real Madrid"i ilə vidalaşan Serxio Ramosu heyətinə qatmaq istəyir.

"Report" "Sport Mediaset"ə istinadən xəbər verir ki, Joze Mourinyo ispaniyalı müdafiəçinin xidmətində maraqlıdır.

Artıq "canavarlar"ın rəhbərliyi 35 yaşlı oyunçu ilə danışıqlara başlayıb. Paytaxt təmsilçisi Ramosa illik 7,5 milyon avro məvacib təklif edib. Futbolçu düşünmək üçün qarşı tərəfdən vaxt istəyib.

Qeyd edək ki, "Real Madrid" Serxio Ramosun ötən mövsümün sonunda başa çatan müqaviləsinin müddətini uzatmayıb.