"Roma"nın yeni transferinin ayağı sınıb

İtaliyanın "Roma" klubunun futbolçusu Corcinyo Veynaldum ağır zədə alıb.

"Report" "Sky Sport Italia" nəşrinə istinadən xəbər verir ki, məşq zamanı 32 yaşlı yarımmüdafiəçinin sağ ayağının baldır sümüyü sınıb.

"Canavarlar" niderlandlı oyunçunu zədələyən komanda yoldaşının adını açıqlamayıb. Paytaxt təmsilçisi bunun bir bədbəxt hadisə olduğunu düşünür.

Veynaldumun yaşıl meydanlara nə vaxt qayıdacağı bəlli deyil.

Qeyd edək ki, Corcinyo Veynaldum "Roma"ya bu ay Fransa PSJ-sindən keçib.