Robert Levandovski: "Qızıl top" mükafatını özümə verərdim"

Almaniya "Bavariya"sının futbolçusu Robert Levandovski "Qızıl top" mükafatı ilə bağlı suala maraqlı cavabı ilə diqqət çəkib.

"Report"un məlumatına görə, polşalı hücumçu "Sportowy" kanalına müsahibəsində mükafata özünün layiq olduğunu bildirib.

32 yaşlı forvard bildirib ki, əlində belə bir imkan olsaydı, "Qızıl top"u özünə verərdi.

Levandovski 2019/2020 mövsümündə meydana çıxdığı 46 oyunda ümumilikdə 55 qol vurub və 10 məhsuldar ötürmə verib.

Qeyd edək ki, "France Football" nəşri  koronavirus pandemiyasına görə yaranmış problem ucbatından mükafatın bu il heç bir oyunçuya verilməyəcəyini açıqlayıb. "Qızıl top"un sonuncu sahibi "Barselona"nın kapitanı Lionel Messidir. 

Mükafatın bu il verilməsi üçün petisiya başlayıb.