Rəşad Sadıqov baş məşqçi vəzifəsindən istefa verib

Bakı. 4 may. REPORT.AZ/ Rəşad Sadıqov “Qarabağ”ın 19 yaşadək futbolçulardan ibarət baş məşqçisi vəzifəsindən istefa verib.

“Report”un klubun rəsmi saytına istinadən məlumatına görə, 21 yaşadək futbolçulardan ibarət Azərbaycan yığmasının baş məşqçisi və “Qarabağ”ın əsas komandasının kapitanı olan Sadıqov bu addımı işlərinin çoxluğu ilə əlaqədar atıb.

“Qarabağ”ın U-19 komandasının yeni baş məşqçisi yaxın günlərdə məlum olacaq.

Qeyd edək ki, “Qarabağ”ın U-19 komandası Rəşad Sadıqovun rəhbərliyi altında cari mövsümdə AFFA-nın təşkil etdiyi Gənclər Liqasında ikinci yeri tutub. Ötən mövsüm isə qızıl medallara sahib çıxıb.