Renat Dadaşovun çıxış etdiyi "Ankaragücü" klubunun yeni baş məşqçisi açıqlanıb

Azərbaycan millisinin üzvü Renat Dadaşovun çıxış etdiyi Türkiyə I Liqa təmsilçisi "Ankaragücü"nün yeni baş məşqçisi müəyyənləşib.

"Report" klubun mətbuat xidmətinə istinadən xəbər verir ki, paytaxt təmsilçisini bundan sonra Kemal Özdeş çalışdıracaq.

Yerli mütəxəssislə 1,5 illik müqavilə imzalanıb.

O, son olaraq 2023-cü ildə "Kasımpaşa"da baş məşqçi funksiyasını yerinə yetirib. 54 yaşlı çalışdırıcı bu postda Kenan Koçakı əvəzləyib.

Qeyd edək ki, "Ankaragücü" I Liqada 23 xalla səkkizinci sırada yer alıb.