"Real Madrid" əsas hücumçusu ilə müqavilənin müddətini uzadıb

İspaniyanın "Real Madrid" klubu futbolçusu Kərim Benzema ilə müqavilənin müddətini uzadıb.

"Report" "El Chiringuito"ya istinadən xəbər verir ki, 32 yaşlı hücumçunun yeni sözləşməsi 2021/2022 mövsümünün sonuna kimi nəzərdə tutulub. Anlaşmaya əsasən, fransalı oyunçu mövsüm ərzində 11 milyon avro qazanacaq.

Qeyd edək ki, Kərim Benzemanın Madrid klubu ilə əvvəlki müqaviləsi 2021-ci ilin yayına qədər qüvvədə idi. O, 2009-cu ildən "kral klubu"nun formasını geyinir.