"Real"ın üzvü La Liqada noyabrın ən yaxşı oyunçusu seçilib

İspaniyanın "Real" (Madrid) klubunun vinqeri Vinisius Junior La Liqada noyabrın ən yaxşı oyunçusu seçilib.

"Report" xəbər verir ki, 24 yaşlı futbolçu bu ay 2 oyunda 3 qol vurub və 1 məhsuldar ötürmə edib.

Qeyd edək ki, braziliyalı oyunçu ümumilikdə cari mövsüm ərzində 18 matçda meydana çıxıb. O, bu qarşılaşmalarda 12 dəfə fərqlənməyi bacarıb.