"Real" agentə görə Holandı almaqdan imtina etdi

"Real" yay transfer pəncərəsində "Borussiya"nın hücumçusu Erlinq Holandı almaqdan imtina edib.

Bu barədə “Daily Mail”ə istinadən xəbər verir.

Məlumata görə, buna transferin baş tutacağı təqdirdə agent Mino Rayolenə, həmçinin futbolçunun atasına yüksək ödənişin tələb edilməsi səbəb olub. "Kral klubu" Holandın idman imkanlarını yüksək qiymətləndirir, ancaq yayda Holandı almaqdan imtina etməyə məcbur olub.

Daha əvvəl bildirilirdi ki, norveçlinin hazırkı qiyməti 75 milyon avro təşkil edir. Lakin koronavirus pandemiyası ilə bağlı Avropa futbolundakı fasilə bitdikdən sonra bu məbləğ azalacaq.

Holand alman “Borussiya”ya bu ilin yanvarında “Red Bull Zalsburq”dan 20 milyon avroya keçib. O, 8 matç keçirib, 9 qol vurub və 1 məhsuldar ötürmə verib.

Daha əvvəl bildirilirdi ki, Madrid “Real”ı "Tottenhem Hotspur"un və İngiltərə milli komandasının hücumçusu Harri Keynlə maraqlanır. Lakin “Real”ın əsas transfer hədəfi “Borussiya”nın hücumçusu Erlinq Holand idi.