"Qarabağ"ın zədəli futbolçuları müalicəyə yollanıb

"Qarabağ"ın zədəli futbolçuları – Kevin Medina və Maksim Medvedev müalicə üçün ölkə xaricinə yollanıb.

"Report"un məlumatına görə, 29 yaşlı kolumbiyalı müdafiəçi Almaniyaya, 32 yaşlı Medvedev isə Türkiyəyə gedib.

Hər iki oyunçu "Ferentsvaroş"a qarşı UEFA Çempionlar Liqasının III təsnifat mərhələsinin cavab oyunu üçün Macarıstana aparılmayıb.

Qeyd edək ki, avqustun 9-da oynanılacaq "Ferentsvaroş" – "Qarabağ" görüşü Bakı vaxtı ilə saat 22:00-da başlayacaq. Bakıdakı ilk oyunda qalib müəyyənləşməyib – 1:1.