"Qarabağ"ın potensial rəqibi olan "Ayaks"ın yeni kapitanı müəyyənləşib

UEFA Çempionlar Liqasının pley-off mərhələsində “Qarabağ”ın potensial rəqibi olan Hollandiya təmsilçisi “Ayaks”ın yeni kapitanı müəyyənləşib.

“Report” xəbər verir ki, əvvəlki kapitan Matteys de Liqt İtaliya “Yuventus”una keçdiyi üçün sarğı serbiyalı yarımmüdafiəçi Duşan Tadiçə verilib.

Qeyd edək ki, “Qarabağ” III təsnifat mərhələsində Kipr APOEL-ini keçəcəyi təqdirdə PAOK (Yunanıstan) – “Ayaks” (Hollandiya) cütünün qalibi ilə qarşılaşacaq.