“Qarabağ”ın ÇL-dəki potensial rəqibləri Dublində qarşılaşıb

“Qarabağ”ın UEFA Çempionlar Liqasının II təsnifat mərhələsindəki potensial rəqibləri “Şelburn” (İrlandiya) və “Linfild” (Şimali İrlandiya) Dublində qarşılaşıblar.

“Report”un məlumatına görə, İrlandiyanın paytaxtında yerləşən “Tolka Park” stadionunda keçirilən qarşılaşma 1:0 hesabı ilə başa çatıb.

Meydan sahiblərinin yeganə qolunu 58-ci dəqiqədə Ademipo Odubeko vurub.

Qeyd edək ki, "Qarabağ" UEFA Çempionlar Liqasının II təsnifat mərhələsində "Şelburn" (İrlandiya) - "Linfild" (Şimali İrlandiya) cütünün qalibi ilə qarşılaşacaq. Bu raundun ilk görüşü iyulun 22-23-də, cavab qarşılaşması 29-30-da baş tutacaq.