Premyer Liqa klubu baş məşqçisini istefaya göndərdiyini açıqlayıb

İngiltərə Premyer Liqası təmsilçisi "Vest Hem" baş məşqçisi Xulen Lopeteqini istefaya göndərib.

"Report" xəbər verir ki, bu barədə klubun mətbuat xidməti məlumat yayıb.

58 yaşlı mütəxəssis komandanın ambisiyalarına cavab verməməsi və hədəflərə uyğun gəlməməsi səbəbindən yola salınıb. İspaniyalı mütəxəssislə yanaşı, onun dörd köməkçisi də London klubundan ayrılıb.

Qeyd edək ki, "Vest Hem" Premyer Liqada 20 turdan sonra 23 xalla 14-cü sırada qərarlaşıb.