Premyer Liqa klubu baş məşqçisi ilə müqaviləni uzatdı

Futbol üzrə İngiltərə Premyer Liqasına vəsiqə qazanan "Lids Yunayted" baş məşqçisi Marselo Byelsa ilə müqavilənin müddətini uzadıb. 

"Report" klubun rəsmi saytına istinadən xəbər verir ki, 65 yaşlı mütəxəssisin sözləşməsi 2020/2021 mövsümünün sonunadək nəzərdə tutulub. 

Qeyd edək ki, Marselo Byelsa 2018-ci ilin yayında "Lids Yunayted"in baş məşqçisi təyin edilib. Komanda ötən mövsüm onun rəhbərliyi altında 16 il sonra Premyer Liqada iştirak hüququ qazanıb.