Poçettinonun çalışdırdığı ABŞ millisinin məğlubiyyət seriyası 4 oyuna çatıb

İsveçrə futbol yığması səfərdə ABŞ-ni darmadağın edib.

“Report” xəbər verir ki, Tennessi ştatının Neşvill şəhərindəki “Geodis Park” stadionunda keçirilən qarşılaşma 4:0 hesabı ilə başa çatıb.

İsveçrəlilər bütün qolları matçın ilk 36 dəqiqəsində vurublar.

13-cü dəqiqədə hücumçu Dan Ndoy hesabı açıb. 10 dəqiqə sonra “qırmızı xaçlılar”ın iki yarımmüdafiəçisi - Mixel Ebişer və Yohan Manzambi qonaqların üstünlüyünü artıran hücum qurublar. 33-cü dəqiqədə hücumçu Bril Embolo üçüncü qolu vurub. Yekun nəticəni yarımmüdafiəçi Ardon Yaşarinin ötürməsindən sonra Manzambi müəyyənləşdirib.

Qeyd edək ki, argentinalı mütəxəssis Mauritsio Poçettinonun rəhbərliyi altında ABŞ yığması ardıcıl dördüncü məğlubiyyətini alıb.