Niderland çempionatında bütün görüşlər təxirə salındı

Niderland çempionatında XXII turun bu günə planlaşdırılan bütün görüşləri qeyri-müəyyən müddətə təxirə salınıb.

"Report"un xəbərinə görə, səbəb kimi "Kyara" fırtınası göstərilib.

"Utrext" - "Ayaks", AZ - "Feyenoord", "Sparta" - "ADO Den Haq" və "Emmen" - "Tvente" görüşlərinin yeni tarixi hələ müəyyənləşməyib.

Hazırda Erediviziyada turnir cədvəlinə 21 oyundan 50 xalla "Ayaks" başçılıq edir. İlk "3-lüy"ə AZ (47) və "Feyenoord" (40) da daxildir.

Qeyd edək ki, daha əvvəl Almaniya Bundesliqasında XXI turun "Borussiya" Mönhenqladbax) - "Köln" matçı da hava şəraiti ilə əlaqədar baş tutmayıb. Təxirəsalma Almaniyaya yaxınlaşan "Sabina" siklonu ilə əlaqələndirilib. Azərbaycan ərazisində də hazırda əlverişsiz hava şəraiti hökm sürür. Lakin Premyer Liqada XVI turun qarşılaşmaları 9 fevral - Milli Məclisə seçkilərlə əlaqədar 7-8 fevralda oynanılıb.