Mourinyo "Real"da sərt qaydalar tətbiq edib

İspaniyanın "Real" klubunun baş məşqçisi Joze Mourinyo Madrid təmsilçisində gecikməyə görə cəza sistemini dəyişib.

"Report" xəbər verir ki, bu barədə "Defensa Central" nəşri məlumat yayıb.

Portuqaliyalı mütəxəssis intizam pozuntularına görə pul cərimələrini ləğv edib. Hazırlıq prosesinə gecikən oyunçu idman zalında ayrıca məşq edəcək və oyun üçün heyətə daxil olunmayacaq.

Bundan əlavə, məşqçilər heyəti futbolçuların zədədən sonra sağalması və qidalanması üzərində nəzarəti gücləndirib. Reabilitasiya prosesi klubun məşq mərkəzində aparılmalıdır. Komandanın pəhrizi də klub mütəxəssislərinin tövsiyələrinə əsaslanacaq.

Xatırladaq ki, 2010-cu ildən 2013-cü ilədək "Real"ın baş məşqçisi olmuş Joze Mourinyo bu ilin yayında "Kral klubu"na qayıdıb.