“Monako” baş məşqçi Jardimi ikinci dəfə vəzifədən azad edib

“Monako” klubunun rəhbərliyi baş məşqçi Leonardu Jardimi növbəti dəfə istefaya göndərib.

“Report” xəbər verir ki, bu barədə məlumat klubun rəsmi saytında yer alıb.

Klubun yeni baş məşqçisi Robert Moreno təyin edilib. Klub 42 yaşlı mütəxəssislə 2022-ci ilə qədər müqavilə imzalayıb.

Qeyd edək ki, Jardim yanvarın sonundan “Monako” komandasına rəhbərlik edirdi. Bu, portuqaliyalı mütəxəssisin klubda baş məşqçi postuna ikinci gəlişi idi.