Millimizin baş məşqçisi klub prezidenti ilə görüşdü

Azərbaycan Premyer Liqasında 2020/2021 mövsümünün ilk turunda "Kapital Bank Arena"da keçirilən “Sumqayıt” – “Keşlə” qarşılaşmasını milli komandanın yeni baş məşqçisi Canni De Byazi də izləyib.

"Report" xəbər verir ki, italiyalı mütəxəssis matçdan sonra "gənclik şəhəri" təmsilçisinin  prezidenti Riad Rəfiyevlə görüşüb.

Klub rəhbəri 64 yaşlı baş məşqçiyə "Sumqayıt"ın "22" nömrəli oyun geyimini hədiyyə edib.

Qeyd edək ki, "Sumqayıt" - "Keşlə" oyunu qonaqların 1:0 hesablı qələbəsi ilə başa çatıb.