Azərbaycana gələn məşhur futbolçular Bakıda avtoqraf paylayıblar

Bakı. 3 mart. REPORT.AZ/ “Bakı 2019: Ulduzlar Finalı” adlı oyun üçün Azərbaycana gələn məşhur futbolçular - türkiyəli Nihat Kahveci və portuqaliyalı Dekunun iştirakı ilə imza mərasimi keçirilib.

"Report" xəbər verir ki, paytaxtdakı "28 Mall"da təşkil olunan tədbirdə iki ulduz vətəndaşlarla yanaşı, turistlərə də imza paylayıblar.

Qeyd edək ki, “Bakı 2019: Ulduzlar Finalı”nda “Qərb Ulduzları” və “Şərq Ulduzları” komandaları qarşılaşıblar. Oyun qərblilərin 11:10 hesablı qələbəsi ilə başa çatıb.