"Mançester Yunayted" Viktor Osimheni transfer etməyi düşünür

İngiltərənin "Mançester Yunayted" klubu müqavilə ilə İtaliya təmsilçisi "Napoli"yə məxsus olan Viktor Osimheni transfer etməyi düşünür.

"Report" "Todofichajes.com"a istinadən xəbər verir ki, "qırmızı şeytanlar" 26 yaşlı hücumçu üçün danışıqlara başlayıb.

İcarə əsasında "Qalatasaray"da (Türkiyə) çıxış edən oyunçu 2025/2026 mövsümündə UEFA Çempionlar Liqasında mübarizə aparan komandada forma geyinmək istəyir.

Mançester klubu Osimheni sıralarına cəlb etmək üçün 75 milyon avrosundan keçməlidir.

Qeyd edək ki, V.Osimhen cari mövsüm "Qalatasaray"ın heyətində 24 oyunda 19 qol vurub.