“Mançester Yunayted” Enzo Fernandesi transfer etmək üçün 120 milyon avro ödəməyə hazırdır

“Mançester Yunayted” klubu argentinalı yarımmüdafiəçi Enzo Fernandesi transfer etmək üçün “Benfika”ya 120 milyon avro ödəməyə hazırdır.

“Report” xəbər verir ki, bu barədə “DaveOCKOP” xəbər portalı portuqaliyalı jurnalist Bruno Andradeyə istinadən məlumat yayıb.

“Benfika” onu yalnız yanvarda 120 milyon avroya satacaq. Məlumatıma əsasən, hazırda 120 milyon avro ödəməyə hazır olan yeganə klub “Mançester Yunayted”dir”, - o bildirib.

Xatırladaq ki, Enzo Fernandes 2022-ci ildə Qətərdə keçirilən dünya çempionatının ən yaxşı gənc futbolçusu seçilib. O, dünya çempionatında 7 oyunda 1 qol və 1 məhsuldar ötürmə ilə yadda qalıb.