İngiltərə çempionu türk əsilli futbolçu ilə müqavilənin müddətini uzadıb

İngiltərənin "Mançester Siti" klubu futbolçusu İlkay Gündoğanla müqavilənin müddətini uzadıb.

"Report" klubun saytına istinadən xəbər verir ki, 28 yaşlı yarımmüdafiəçinin yeni sözləşməsi 2023-cü ilə qədər nəzərdə tutulub.

Türk əsilli alman oyunçu ötən mövsüm İngiltərə Premyer Liqasında 31 oyunda meydanda olub. O, çempion komandanın heyətində 6 qol, 3 məhsuldar ötürmə ilə yadda qalıb.

Qeyd edək ki, İlkay Gündoğan 2016-cı ildə Almaniyanın "Borussiya" (Dortmund) klubundan İngiltərə təmsilçisinə keçib.