"Liverpul"un futbolçusu karyerasını "Barselona"da davam etdirmək istəyir

İngiltərənin "Liverpul" klubunun futbolçusu Luis Dias karyerasını İspaniya La Liqası təmsilçisi "Barselona"da davam etdirmək istəyir.

"Report" xarici KİV-ə istinadən xəbər verir ki, kolumbiyalı hücumçu bu istəyini artıq kataloniyalıların idman direktoru Dekuya çatdırıb.

Transferin cari mövsümün sonunda baş tutmaq ehtimalı var.

Qeyd edək ki, 2022-ci ildən "Liverpul"da çıxış edən L.Dias bu mövsüm 35 oyunda 13 qol vurub. Onun komandası ilə müqaviləsinin müddəti 2027-ci ildə başa çatacaq.